ჩვენ ვართ — მენეჯმენტის ინსტიტუტი

ჩვენი ღირებულებები

• თანამშრომლობა და პარტნიორობა ყველა დონეზე — და არა კონკურენცია. კაცობრიობის ეკონომიკური ისტორია არის იძულებიდან თავისუფლებისკენ სვლა: მონათმფლობელობა, ფეოდალიზმი, კაპიტალიზმი — ამის დასტურია. თანამშრომლობის მეთოდი სრული თავისუფლებაა და გამორიცხავს დავალების გაცემას. საქართველოში, სადაც ჯერ კიდევ გვაროვნული და ფეოდალური წყობის ნიშნებია, უჩვეულოა ასეთი მეთოდის გამოყენება, მაგრამ საქართველოს ისტორია აჩვენებს, რომ ჩვენ შეგვიძლია უფრო რთული ამოცანების გადაწყვეტაც.
• შრომის სიყვარული: ჩვენ ვთვლით, რომ ღირებულება მხოლოდ შრომით იქმნება და მას მხოლოდ ადამიანები ქმნიან. შრომით შესაძლებელია ნებისმიერი ამოცანის გადაწყვეტა და ადამიანის ყველა მოთხოვნილების დაკმაყოფილება. ჩვენ ვეხმარებით ერთმანეთს შრომით წარმატებისა და მიზნების მიღწევაში.
• მომხმარებლის პატივისცემა: ჩვენ პატივს ვცემთ ჩვენს მომხმარებლებს; ვმუშაობთ მათი მოთხოვნილებების გაუმჯობესებისა და დაკმაყოფილებისთვის. ვიცავთ პრინციპს — „კლიენტი ყოველთვის მართალია“. მხოლოდ მომხმარებლის საშუალებით არის შესაძლებელი ჩვენი, როგორც პროდუქციის შემქმნელის, საჭიროებებისა და ამბიციების დაკმაყოფილება.
• ღიაობა პარტნიორებთან: პარტნიორებად მივიჩნევთ მომხმარებლებს, მოწოდებლებს, სახელმწიფოს და ყველას, ვინც იზიარებს თანამშრომლობისა და ურთიერთპატივისცემის პრინციპებს. კაპიტალის დაბანდებისა და შრომის ანაზღაურების მექანიზმები სრულად გამჭვირვალეა. მზად ვართ ცოდნისა და გამოცდილების გაზიარებისთვის.
• მუდმივი სწავლა — გაუმჯობესებისთვის და თვითრეალიზაციისთვის; მუდმივი სწავლა პრაქტიკით — ჩვენი მეთოდია.
• პასუხისმგებლობა: მუდმივად ვაწარმოებთ გაზომვებსა და ჩანაწერებს და პასუხს ვაგებთ ჩვენს მიერ კონტროლირებად ნებისმიერ პროცესზე.
• პირობის დაცვა — თუნდაც ზარალის სანაცვლოდ.
• ღირსება — კომპრომისების გარეშე.
• ნდობა: ვენდობით ერთმანეთს და ჩვენს პარტნიორებს მანამდე, ვიდრე არ გაჩნდება უნდობლობის საფუძველი. ნდობა ხშირად მოწმდება კიდეც, რათა ეჭვის საფუძველი არ გვქონდეს.
• ჯანმრთელობა: პატივს ვცემთ და ვიცავთ ჩვენსა და ჩვენი პარტნიორების ჯანმრთელობას.

კარიერა